Kirbi: ABŞ “Şimal axını”nda baş verən partlayışlarda iştirak etməyib

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Fox News telekanalına ABŞ Rusiyanın “Şimal axını”nda törədilən partlayışlarda iştirak etmədiyini bildirib.

Poliqon.info xəbər verir ki, Kirbi bununla da, öz araşdırmasında ABŞ hakimiyyətinin qaz kəmərlərində baş verən təxribatla əlaqəsini yazan amerikalı jurnalist Seymur Herşin iddilarını şərh edib.

Kirbi deyib ki, Birləşmiş Ştatlar heç bir şəkildəbu təxribatlarda iştirak etməyib.

Ağ Evin sözcüsü: “Amerikalı jurnalist Herşin dərc etdiyi məqalədə həqiqət zərrəsi də yoxdur”, deyib.

Xatırladaq ki, Pulitzer mükafatı laureatı, tanınmış araşdırmaçı jurnalisr Herş anonim mənbəyə istinadən NATO dalğıclarının 2022-ci ilin yayında təlimlər zamanı boru kəmərinə partlayıcıları necə quraşdırdıqlarını və Norveçdən olan şəriklərin bunu üç ay sonra birbaşa işə sala biləcəyini yazıb. Herşin sözlərinə görə, ABŞ prezidenti Co Bayden milli təhlükəsizlik komandası ilə 9 aylıq müzakirələrdən sonra əməliyyata icazə verib.

Poliqon.info