Aydan Ay - "Kaş Tanrı tətiyiçəkə..."

***
...gördüm bir gecə...bir gecə
qısılıb qoca əsasına,
deyinir: - kaş bu əsadan
qaranlığım düşə...sına.

Gördüm bir gecə...bir gecə -
qapqara...soyuq...incə!
Keçdiyim yola oxşayır...
Kaş bir də, bir də keçəm!..

Gördüm bir gecə...bir gecə...
O məni gördümü?..görmədi!
Nə gözündən yaş axmadı,
nə də ki heç sevinmədi...

Gördüm bir gecə...bir gecə -
yatmışam, gözümü oyur...
Nə məni yerdə itirir,
nə göy üzün yeyib doyur...

Gördüm bir gecə...bir gecə...
Əvvələ-axıra oxşamır!..
Halına ağlama, ağlama,
dönüb baxana oxşamır...

Gördüm bir gecə...bir gecə...
Dibi görünməyən quyuydu.
O məni görmürdü, görmürdü...
Görmürdü eyyy...koruydu!

Gördüm bir gecə...bir gecə...
Küsür - məndən göründükcə!
Deyinir:- kaş Tanrı tətiyi
çəkə...göylərdən köçəm.

Gördüm bir gecə...bir gecə -
elə bir gecəki...

Aydan Ay

Poliqon.info