Polşa Almaniyaya “Leopard 2” tankları Ukraynaya təhvil verilməsi üçün rəsmi müraciət göndərib və Almaniya artıq bu müraciəti alıb…
Polşanın müdafiə naziri Mariuş Blaşçak bildirib ki, Polşa hakimiyyəti Almaniyaya “Leopard 2” tanklarının Ukrayna tərəfinə verilməsinə icazə verilməsi üçün rəsmi sorğu göndərib.
PİA.az xarici mətbuata əsasən bildirir ki, Mariuş Blaşçak bu barədə Twitter-də bildirib.
“Almanlar artıq Ukraynaya “Leopard 2” tanklarının verilməsi ilə bağlı razılıq sorğumuzu alıblar. Mən də Almaniyanı “Leopard 2” tankları ilə Ukraynanı dəstəkləyən ölkələrin koalisiyasına qoşulmağa çağırıram. Bu, bizim ümumi işimizdir, çünki biz bütün Avropanın təhlükəsizliyi haqqında danışırıq”, deyə Blaşak yazıb.
Xatırladaq ki, Polşanın xarici işlər naziri Zbiqnev Rau ölkəsinin başqa ölkələrin nə qərar verməsindən asılı olmayaraq, Ukraynaya “Leopard 2” tanklarını göndərəcəyini bildirmişdi.
pia.az