Birləşmiş Ştatlar defoltdan qaçmaq üçün təcili tədbirlər görməyə başlayıb…
PİA.az xarici mətbuata əsasən xəbər verir ki, ABŞ Maliyyə Nazirliyi bu barədə maliyyə qurumlarına məktub yollayıb.
Maliyyə naziri Canet Yellenin məktubunda deyilir ki, ABŞ Maliyyə Nazirliyi defoltdan qaçmaq üçün fövqəladə tədbirlərdən istifadə etməyə başlayıb.
Məktubda bildirilir ki, ABŞ dövlət borcunun ödənilməsi məsələsi üzrə 31,4 trilyon dollar məbləğində müəyyən edilmiş limiti keçib. Bu həddi aşmaq ABŞ federal hökumətinin sosial təminat xərclərini ödəməsini qeyri-mümkün edə bilər.
“Bu məktub ABŞ Xəzinədarlığının 19 yanvardan etibarən görməyə başladığı fövqəladə tədbirlər barədə sizi xəbərdar etmək üçün göndərilib”, deyə Yellen məktubun sonunda qeyd edib.
Qeyd edək ki, bir müddət əvvəl Yellen 2023-cü ildə ABŞ iqtisadiyyatında tənəzzül riskinin olduğunu açıqlamışdı. Eyni zamanda o, hadisələrin bu cür inkişafını qaçılmaz hesab etmədiyini vurğulamışdı.
pia.az
Digərxəbərlər
Populyar xəbərlər
