Rusiya Xarici İşlər Nazirliyinin rəhbəri Sergey Lavrov təbliğat məqsədi ilə növbəti dəfə Holokost və Hitler mövzusuna əl atıb…
PİA.az xəbər verir ki, bu barədə TASS Agentliyi Xarici İşlər Nazirliyinin rəhbərinə istinadən məlumat yayıb.
Rusiyanın xarici işlər naziri yanvarın 18-də Rusiya diplomatiyasının 2022-ci ildə fəaliyyətinin yekunlarına dair mətbuat konfransında o, ABŞ-ın hərəkətlərinin Adolf Hitlerin hərəkətləri ilə müqayisə oluna biləcəyini bildirib.
Lavrovun sözlərinə görə, Vaşinqton “Rusiya məsələsi”ni nəhayət həll etmək üçün Avropanı Rusiyaya qarşı birləşdirir.
“Napoleon demək olar ki, bütün Avropanı Rusiya imperiyasına qarşı səfərbər etdiyi kimi, Hitler Avropa ölkələrinin işğal edərək bu ölkələrin əksəriyyətini silah altına alıb Sovet İttifaqına qarşı müharibəyə yönəltdiyi kimi, indi də ABŞ Rusiyaya qarşı demək olar ki, bütün avropalılardan ibarət koalisiya təşkil edib. NATO üzvləri və təkcə üzvlər deyil, Aİ də Ukrayna vasitəsilə ölkəmizə qarşı eyni vəzifə ilə - “Rusiya məsələsinin yekun həlli” üçün müharibə aparırlar. Onlara görə Rusiya strateji məğlubiyyətə uğramalıdır”. Deyə Lavrov bildirib.
pia.az