Amerikanın “Apple” texnologiya şirkəti 2024-cü ildən mobil cihazlarda öz ekranlarından istifadə etməyə başlamaq niyyətindədir…
PİA.az xəbər verir ki, bu barədə Bloomberg mənbələrə istinadən məlumat yayıb.
Agentliyin həmsöhbətləri bildiriblər ki, bu addım Apple-in tərəfdaşları olan Samsung və LG-dən asılılığını azaltmaq üçün lazımdır.
“Apple Inc. Samsung və LG kimi texnoloji tərəfdaşlardan asılılığını azaltmaq və öz komponentlərinin sayını artırmaq üçün 2024-cü ildən mobil cihazlarda öz fərdi displeylərindən istifadə etməyə başlamağı planlaşdırır”, deyə məlumatda bildirirlir.
Bloomberg-in mənbələrinin sözlərinə görə, OLED texnologiyasından microLED adlanan texnologiyaya keçid planlaşdırılır. Apple tərəfindən istehsal edilən ilk displeylərin Apple Watch smart saatlarında olacağı gözlənilir. Daha sonra korporasiya iPhone daxil olmaqla digər cihazlarında microLED-dən istifadə etməyi planlaşdırır.
2022-ci ilin dekabr ayının əvvəlində The Wall Street Journal xəbər verib ki, Apple yeni məlumat şifrələmə sistemini inkişaf etdirməyə başlayıb. Yeni sistem Advanced Data Protection adlanır. Sistem iCloud bulud xidmətinə aid olacaq və hətta şirkətin serverləri sındırılsa belə, orada məlumat saxlamağa imkan verəcək.
pia.az