ABŞ Ordusu və Hərbi Hava Qüvvələri təlim zamanı C-130J Super Hercules nəqliyyat təyyarəsi ilə M1A2 Abrams tankının “havadan” yanacaqla doldurulmasını nümayiş etdirib...
PİA.az xəbər verir ki, bu barədə EADaily nəşri məlumat yayıb.
Ağır silahlar böyük miqdarda yanacaq sərf edir və M1 Abrams ən çox yanacaq sərf edən tank hesab olunur. Buna görə də onu “acgöz tank” adlandırırdılar.
Qeyd edək ki, bundan əvvəl nəqliyyat təyyarələri ancaq digər təyyarələrə uçuş zamanı yanacaq doldura bilirdi. Yeni texnologiya isə artıq havadan yerdəki texnikaları da yanacaqla təmin etməyə imkan verir.
Bildirilir ki, ABŞ ordusunun M1A2 Abrams tankının yanacaqla doldurulmasını nümayiş etdirdiyi təlim dekabrın 9-da Texasdakı Fort Bliss bazasında baş tutub. Yanacaq doldurma zamanı xüsusi avadanlıqdan istifadə edilib ki, onların köməyi ilə hətta mühərriklər işlək vəziyyətdə olsa belə, mobil yanacaq dəstəyi təmin etmək mümkün olub.
pia.az