ABŞ-ın sabiq Dövlət Katibi və beynəlxalq siyasətin patriarxlarından biri olan Henri Kissincer danışıqlar yolu ilə sülhün əldə olunmasının vaxtının yaxınlaşdığını bildirib…
“Putin “xüsusi hərbi əməliyyat” adlandırdığı Ukraynaya qarşı müharibə ilə 1991-ci ildə Sovetlər İttifaqının süqutundan sonra Rusiyanı məhv etmək istəyən ABŞ-ın başçılıq etdiyi Qərb blokunun qarşısında Moskvanın nəhayət ki, ayağa qalxdığı an kimi qiymətləndirir. Kiyev və Qərb isə deyir ki, imperialist işğalı nəticəsində Ukrayna ərazisinin təxminən beşdə birinə nəzarət edən Putinin bəhanə gətirməyə heç bir əsası yoxdur”.
PİA.az xəbər verir ki, bu fikirləri 1970-ci illərdə dövlət katibi olarkən Sovet İttifaqına qarşı soyuq müharibənin yumşaldılması siyasətinin memarı olan Henri Kissincer “The Spectator” jurnalında yazıb. O, bildirib ki, danışıqlar yolu ilə sülhün əldə olunmasının vaxtı yaxınlaşır
“Artıq həyata keçirilmiş strateji dəyişikliklərə əsaslanmaq və onları danışıqlar yolu ilə sülhə nail olmaq üçün yeni struktura inteqrasiya etmək vaxtı yaxınlaşır”, deyə siyasi analitik yazıb.
Xatırladaq ki, Ukrayna təcavüzkar və işğalçı Rusiya ilə hər hansı danışıqlara getmək istəmədiyini dəflələrlə bildirib. Kiyev bütün təkligləri rədd edərək rədd edərək, bu təkilfləri Ukraynanın bəzi hissələrini qurban verməklə təcavüzkarı sakitləşdirmək cəhdi olduğunu bildirib.
"Sadə həllərin bütün tərəfdarları aşkar olanı yadda saxlamalıdırlar: şeytanla istənilən razılaşma, Ukrayna əraziləri hesabına pis sülh, Putin üçün qələbə və bütün dünyada avtokratlar üçün uğur resepti olacaq”, deyə Ukrayna prezidentinin köməkçisi Mixail Podolyak Telegram-da yazıb.
pia.az