2012-2015-ci illərdə Beşiktaş-ın baş məşqçisi olmuş Slaven Biliçdən maraqlı etiraf gəlib...
PİA.az Türkiyə mətbuatına istinadən xəbər verir ki, hazırda Uotford-un baş məşqçisi olan xorvatiyalı Biliç mövsümün əvvəlində Hall Siti ilə danışıqlar apardığını təsdiqləyib.
İngiltərə çempionatının komandalarından olan Uotford-un baş məşqçisi Slaven Biliç liqada Hall Siti ilə 0:0 bərabərə qaldıqları matçdan sonra danışıb.
Hall Siti-nin oynadığı oyundan danışan Biliç: “Yeni menecerləri Roseniorla çox fərqli futbol oynayırlar. Topa sahib olurlar. Yorulmadan ötürmə edirlər. Hər nə qədər təhlükə yaratmasalar da, bu qədər uzun müddət oynamaları cansıxıcıdır. Rəqiblərini stressə salmağa və səhv etmələrinə şərait yaradan bir bir taktikaları var. İkinci hissədə öndə daha aqressiv pressinq edərək bu oyunu pozmaq istəyirdik, amma bu dəfə davamlı uzun oynamağa başladılar. Onların çox cəsarətli futbol anlayışı var. Təbrik edirəm”, deyib.
Mövsümün əvvəlində Hall Siti ilə görüşdüyünü təsdiqləyən Biliç çıxışını bu sözlərlə bitirib:
“Bu heyətlə necə 21-ci ola bildilər, bilmirəm. Rəsmi olaraq əla bir heyət var. Klub sahibi Acun Ilıcalını tanıyıram. Çox iddialıdır və yaxşı heyət qurub. Ancaq günün sonunda, 21-ci cərgəyə düşdülər”.
pia.az
Digərxəbərlər
Populyar xəbərlər
