2004-2005-ci il mövsümündə “Beşiktaş”da oynayan məşhur norveçli futbolçu Con Keru vergidən yayındığı üçün 14 ay həbs cəzası alıb...
PİA.az Türkiyə KİV-lərinə istinadən xəbər verir ki, “Beşiktaş”ın keçmiş hücumçusu Con Keru ölkəsi Norveçdə vergidən yayındığı üçün məhkəməyə çıxarılıb.
2017-2019-cu illərdə Norveçdə vergi bəyannaməsi təqdim etməyən Keru bu cinayəti bilmədən törətdiyi üçün 14 ay həbs cəzasına məhkum edilib. Keru, həmçinin, Norveçdə ümumilikdə 456.264 funt sterlinq məbləğində vergidən yayındığına görə 45.353 funt sterlinq cərimələnib.
Prokurorlar Kerunun vergidən yayınma cinayətini qəsdən törətdiyini və 43 yaşlı keçmiş futbolçunun 2 il 7 ay müddətinə azadlıqdan məhrum edilməsi tələb olunub. Məhkəmə “Beşiktaş”ın keçmiş ulduzunun bilərəkdən vergi ödəməkdən yayındığını müəyyən edərsə, Karunun cəzası ikiqat artırıla bilər.
Keçmiş menecerini günahlandırıb
Con Keru keçmiş meneceri və vəkili Per A. Flodu ittiham edib: “Ona kor kimi inandım və dediyi hər şeyi etdim. Dediklərini doğru hesab etdim. Məni kukla kimi oynadırdı. Ona güvəndiyim üçün bu vəziyyətə düşdüm. Vergi problemini ona danışdıqda problem olmayacağını dedi”.
Aktyor olmaq üçün futbolu buraxmışdı
“Beşiktaş”dan başqa “Valensiya”, “Vest Hem Yunayted”, “Aston Villa” kimi komandalarda oynayan Keru 32 yaşında futbolu tərk edərək aktyorluq etməyə başlamışdı.
pia.az