ABŞ prezidenti Co Bayden yeni nəsil liderlərin xeyrinə 2024-cü ildə keçiriləcək seçkilərdən geri çəkilməlidir...
ABŞ-ın Demokrat Partiyasının nümayəndəsi, Nümayəndələr Palatasının üzvü, konqresmen Tim Rayan jurnalistlərə müsahibəsində ABŞ prezidenti Co Baydenin yeni nəsil liderlərin xeyrinə 2024-cü ildə keçiriləcək seçkilərdən geri çəkilməsini təklif edib.
Musavat.com xarici agentliklərə istinadən xəbər verir ki, mötədil demokrat sayılan Tim Rayan ABŞ Senatına seçilmək üçün Donald Trampın dəstəklədiyi respublikaçı Cey Di Vensə qarşı mübarizə aparır. Hər iki namizəd bu yaxınlarda istefa verən senator Rob Portmanı əvəz etmək üçün çalışır.
“İnanıram ki, bizə yeni rəhbərlik lazımdır. Həm demokratlar, həm də respublikaçılar üçün düşünürəm ki, nəsil dəyişikliyi zamanıdır. Ölkədəki siyasi mühit olduqca zəhərlidir və insanlar dəyişiklik istəyir”, - deyə Tim Rayan bildirib.
Jurnalistlərin Baydenin yenidən namizəd olub-olmamalı barədə sualına konqresmen belə cavab verib:
“Bu, prezidentdən asılıdır”.
pia.az