Rusiya Xarici İşlər Nazirliyi Berlinin oxşar addımına cavab olaraq iki alman diplomatını ölkədən çıxardığını açıqlayıb.
APA-nın məlumatına görə, bu barədə Rusiya XİN-in saytında məlumat yerləşdirilib.
Bildirilib ki, bazar ertəsi departament Rusiya diplomatik missiyasının əməkdaşlarının ölkədən çıxarılması qərarından sonra Almaniya səfiri Qezu Andreas fon Qayrı çağırıb və ona etiraz edib: “Səfirinə Almaniyanın Rusiyadakı səfirliyinin iki diplomatik əməkdaşının “persona non qrata” elanı AFR hökumətinin yuxarıda qeyd olunan qeyri-dost qərarına simmetrik cavab kimi çatdırıldı. Moskva əmin edib ki, Rusiya tərəfi gələcəkdə ona yönəlmiş Berlin tərəfindən istənilən potensial qarşıdurma hücumlarına mütənasib şəkildə cavab verəcək”.
Bundan əlavə, rusiyalı diplomatlar fon Qayrla söhbətində vurğulayıblar ki, Rusiya Gürcüstan vətəndaşı Zelimxan Xanqoşvilinin qətlində iştirakla bağlı əsassız və reallıqdan uzaq ittihamları qəti şəkildə rədd edir və məhkəmənin hökmünü açıq-aşkar siyasi sifariş adlandırır.
Qeyd edək ki, Almaniya XİN buna cavab olaraq bildirib ki, Moskvanın hərəkətləri iki ölkə arasında münasibətləri çətinləşdirəcək: “Bu addım sürpriz olmadı, lakin federal hökuməti bu addımı qətiyyən haqlı hesab etmir”.
pia.az
Digərxəbərlər
Populyar xəbərlər
