Əfqanıstanın Nanqarhar əyalətinin Şpinqar rayonunda məsciddə törədilən partlayış nəticəsində azı 3 nəfər ölüb, 18 nəfər yaralanıb.
"Report" xəbər verir ki, bu barədə yerli “Afganistan International” telekanalı məlumat yayıb.
Məlumata görə, hadisə Terallay kəndində cümə namazı vaxtı baş verib. İlkin məlumatlara görə, kamikadze partlayıcı qurğunu izdihamın içərisində işə salıb.
Ölənlər arasında iki uşaq, həmçinin məscidin imamı da var.
"Taliban" sözçüsü Zabihullah Mücahid terror aktını təşkil edən 3 nəfərin saxlanıldığını, onların İslam qanunlarına uyğun olaraq cəzalandırılacağını bildirib.
***
Əfqanıstanın şərqindəki Nanqarhar əyalətinin Spingar rayonunda məsciddə baş verən partlayış nəticəsində onlarla insan ölüb və yaralanıb.
Hadisə cümə namazı zamanı böyük izdihamda baş verib. Hadisənin digər təfərrüatları hələlik açıqlanmayıb.
Bu, “Taliban” tərəfindən avqust ayında Əfqanıstanda hakimiyyəti ələ keçirdikdən sonra ölkədə məsciddə baş verən beşinci güclü partlayışdır. Əsasən şiə məscidlərində törədilən partlayışlar nəticəsində ümumilikdə 250-dən çox adam ölüb, yüzlərlə insan yaralanıb.
Hadisələrin hər birində İŞİD yaraqlıları məsuliyyəti öz üzərinə götürüb.(TASS)
Mənbə: