İnterferon COVID-19-un müalicəsində faydasızdır. ABŞ-da keçirilən klinik tədqiqatlar göstərib ki, əlavə müalicə üsulu kimi, interferon beta alan xəstələrdə heç bir fayda göstərməyib - üstəlik, ağır xəstələrdə vəziyyət daha da pisləşib.
İnterferonlar, virusların və bəzi bakteriyaların bədənə daxil olmasına cavab olaraq bədənin ifraz etdiyi zülallardır. İnterferonların özləri virusa birbaşa təsir göstərmir, amma yoluxmuş hüceyrələri viral hissəciklərin sintezini dayandırmaqa, yoluxmuş hüceyrələrin ölümünə kömək edən zülalları aktivləşdirməyə və hüceyrələri virusdan qorumaqda rol oynayır. Bundan əlavə, interferonlar immunitet sistemini hərəkətə gətirir.
ABŞ Milli Sağlamlıq İnstitutunun Allergiya və Yoluxucu Xəstəliklər İnstitutunun alimləri qeyd edir ki, dərman gözləntiləri doğrultmayıb, üstəlik bəzi xəstələrin vəziyyəti daha da pisləşib. Testlərin nəticələri “The Lancet Respiratory Medicine” – jurnalında dərc olunan məqalədə gətirilib.
Hətta, sentyabr ayında alimlər ağ ciyərlərin ventilyasiyasi və oksigen təchizatında ehtiyacları olan ağır xəstələri sınaqlardan çıxartmaq məcbur olub – onların vəziyyəti interferondan sonra daha da pisləşib. Tədqiqatçılar, hesab edir ki, interferon xəstələrdə daha şiddətli simptomlarla nəticələnən iltihablı reaksiyaya səbəb ola bilər.(virtualaz.org)
pia.az