"Azərbaycan Dəmir Yolları" QSC-dən məlumat verilib
Bakıdan 15.07.2019-cu il tarixdən, Qazaxdan isə 16.07.2019-cu il tarixdən etibarən 98/97 nömrəli Bakı-Ağstafa-Qazax-Bakı sürət qatarının ləğv olunması ilə əlaqədar olaraq, Bakıdan 15.07.2019-cu ildən, Böyük Kəsikdən isə 16.07.2019-cu ildən etibarən 666/665 nömrəli Bakı-Böyük Kəsik-Bakı sərnişin qatarının hərəkət cədvəli dəyişdirilir.
"Azərbaycan Dəmir Yolları" QSC-dən virtualaz.org-a verilən məlumata görə, qatar Bakıdan saat 23:00-da yola düşəcək, Böyük Kəsikə saat 08:50-də çatacaq. Böyük Kəsikdən isə saat 20:20-də yola düşəcək, saat 06:30-da Bakıya çatacaq.
pia.az