Netanyahu: Heç bir beynəlxalq təşkilat buna görə məsuliyyət daşıya bilməz

İsrailin Baş naziri Benyamin Netanyahu bildirib ki, HƏMAS silahlıları ilə müharibə başa çatdıqdan sonra İsrail ordusu Qəzza zolağının tərksilah edilməsinə nəzarəti saxlamalıdır.

Poliqon CNN-ə istinadən xəbər verir ki, Netanyahu həmçinin ərəb ölkələri kimi beynəlxalq qüvvələrin anklavda təhlükəsizliyə cavabdeh ola biləcəyi fikrini də rədd edib.

“Müharibənin bitməsindən bir gün sonra Qəzza tərksilah edilməlidir. Bunu təmin edə biləcək yalnız bir qüvvə var, o da İsrail ordusudur. Heç bir beynəlxalq təşkilat buna görə məsuliyyət daşıya bilməz. Biz tərksilah məqsədilə beynəlxalq qüvvələrin gətirildiyi digər yerlərdə nə baş verdiyini gördük”, deyə Baş nazir CNN-ə bildirib.

Poliqon.info