Moskva Şəhər Məhkəməsinin mətbuat xidməti bazar ertəsi bildirib ki, Aleksey Navalnının yeni cəzası təkcə xüsusi rejimli koloniyada 19 il deyil, həm də internetdə mesajların dərcinə 10 illik qadağa daxildir...
Poliqon Rusiya mətbuatına əsasən xəbər verir ki, bu mesaj sonradan silinsə də, TGStat xidmətində saxlanılır.
Bununla bağlı hüquqşünaslar “Aqentstvo” nəşrinə bildiriblər ki, Navalnıya qarşı məhkəmə qərarında doğrudanda həm həbs müddəti ərzində, həm də həbsdən sonrakı on il ərzində internetdə hansısa fikir bildirmək qadağa yer alır. Qadağanın vəkillər vasitəsilə ötürülən sözlərə şamil edilib-edilmədiyi isə bəlli deyil.
Moskva Şəhər Məhkəməsinin mətbuat xidməti bildirib ki, Navalnı “10 il müddətinə ictimai informasiya və telekommunikasiya şəbəkələrində, o cümlədən internetdə müraciətlərin və digər materialların yerləşdirilməsi ilə bağlı fəaliyyətlə məşğul olmaq hüququndan məhrum edilməklə” həbs cəzasına məhkum edilib.
Beləliklə, Navalnı, yeni hökmə görə, ən azı 2050-ci illərin əvvəlinə qədər internetdə mesajlar dərc edə bilməyəcək.
Qeyd edək ki, ötən həftə Moskva Şəhər Məhkəməsi Vladimir vilayətindəki koloniyalardan birində keçirilən iclasda Navalnıya xüsusi rejimli koloniyada 19 il həbs cəzası verib. Bu müddətin siyasətçinin indi çəkdiyi cəzaya necə əlavə olunacağı hələ dəqiq bəlli deyil.
Navalnının koloniyada qaldığı ümumi müddət 19 il olsa belə, o, 2040-cı illərin əvvəllərində azadlığa çıxa biləcək, bu o deməkdir ki, onun üçün 2050-ci illərin əvvəllərinə qədər internetdə çıxış etmək qadağandır.
Poliqon.info