NATO-nun Genişlənmə üzrə Avropa Komitəsinin sədri Günter Fehlinger hesab edir ki, Ermənistan Alyansa qoşulmalıdır...
Poliqon xəbər verir ki, bu barədə X sosial şəbəkəsində yazan Günter Fehlinger həmçinin ABŞ-ı bu ölkəni “müdafiə etməyə” çağırıb.
NATO rəsmisi Ermənistanın Baş naziri Nikol Paşinyana müraciət edərək, “Mən Ermənistanı NATO-ya üzv olmağa çağırıram”, yazıb.
Qeyd edək ki, bundan əvvəl Ermənistanın Baş naziri Nikol Paşinyan İtaliyanın “La Repubblica” qəzetinə müsahibəsində ölkənin təhlükəsizlik arxitekturasının 99,999% Rusiya ilə bağlı olduğunu bildirib. Onun sözlərinə görə, bu gün Rusiyanın Ukraynada davam edən xüsusi əməliyyatı fonunda silaha ehtiyacı olduğu halda, istəsə belə, Ermənistanın tələbatını ödəyə bilməyəcək. Paşinyan bildirib ki, bu, təhlükəsizlik sferasında asılılığın və ya yalnız bir yerə bağlı olmağın özü də səhv nümunədir.
Ermənistan hazırda Belarus, Qazaxıstan, Qırğızıstan, Rusiya və Tacikistanın da daxil olduğu KTMT-nin üzvüdür.
Poliqon.info