NATO Vilnüs sammitində öz işinin əsas hissəsini artıq başa çatdırıb...
Vülnüsdə Şimali Atlantika Alyansı düşmənlərin qarşısını almaq və müttəfiq dövlətlərin ərazilərinin “hər qarışının” mühafizəsini təmin etmək üçün müfəssəl müdafiə planlarını təsdiqləyib.
Poliqon xəbər verir ki, bu barədə The New York Times qəzetinin məlumatında bildirilir. Qəzet qeyd edir ki, Sovet İttifaqının dağılmasından sonra ilk dəfə olaraq NATO kollektiv hərbi müdafiə ilə bağlı müfəssəl planları siyasi təsdiq aldı.
Planlar Müttəfiq Qüvvələrin Avropadakı Ali Baş Komandanı, general Kristofer Kavoli və onun qərargahı tərəfindən hazırlanıb. Yeni müdafiə planları NATO-nun üç əsas məsuliyyət sahəsini əhatə edir:
1. Alyansın şimal ərazisi, o cümlədən Arktika, o cümlədən Baltikyanı;
2. Şərq cinahı, Rusiya ilə sərhəd ərazilər;
3. Cənub-şərq cinahı, o cümlədən Aralıq və Qara dənizlər hövzələri.
Planlarda hər bir iştirakçı ölkə üçün mühafizə olunmalı olan konkret sahələr, hansı müttəfiqlərlə işləmək və hansı avadanlıqdan istifadə etmək lazım olan tapşırıqlar müəyyən edilib.
NATO Hərbi Komitəsinin sədri admiral Rob Bauer bildirib ki, üç regional plan müttəfiq ölkələrin bütün sahələrdə, kosmosda, kibersahədə, quruda, dənizdə, havada çəkindirmə və müdafiə üçün coğrafiyalar arasında nə etməli olduqlarını izah edir.
Planlar həmçinin NATO qüvvələrinin hazırlıq vəziyyətində olmasını nəzərdə tutur ki, lazım gələrsə, üzv ölkələrdən cəlb edilən 300 000 hərbçinin ən geci 30 gün, ən tezi üç gün, ortalama 10 gün ərzində yerləşdirilməsini nəzərdə tutur.
Poliqon.info.