"Türkiyə-Azərbaycan münasibətləri dünya üçün bir nümunədir".
Bunu "Report"un Türkiyəyə ezam olunmuş əməkdaşına müsahibəsində Türkiyənin xarici işlər naziri Mövlud Çavuşoğlu deyib.
O bildirib ki, münasibətlərin bu yerə gəlib çatmasında Prezident İlham Əliyev və Rəcəb Tayyib Ərdoğanın birlikdə atdığı addımların payı böyükdür:
"Əlbəttə, təbii bağlar da var. Keçmişdə münasibətlərə dəstək olan hər kəsi hörmətlə yad etməmiz vacibdir. Heydər Əliyev də eyni şəkildə "Bir millət, iki dövlət" deyib. İki ölkə arasındakı əlaqələrin güclənməsi üçün bir tərəfdən çox önəmli addımlar atıb, digər tərəfdən də yol göstərib. Hazırda həmin yolda irəliləyirik. Atatürkün dediyi kimi, "Azərbaycanın kədəri kədərimiz, sevinci sevincimizdir". Bu gün həmin sözlərlə liderlər səviyyəsində önəmli addımlar atdıq. Qardaşlığımız möhkəm, siyasi əlaqələrimiz mükəmməldir. Artıq tək şəxsiyyət vəsiqəsi ilə vətəndaşlar rahat şəkildə gediş-gəliş edə bilirlər".
Nazir xatırladıb ki, iqtisadi baxımdan Türkiyə-Azərbaycan tərəfdaşlığı daha da artır:
"Qarabağ azad ediləndən sonra Azərbaycanın hərtərəfli inkişafına dəstək olmağa çalışırıq. Azad edilən ərazilərdə hava limanlarının rəsmi açılışlarına qatıldıq. Əlaqələrimiz mükəmməldir. Seçkilərdə qələbə qazansaq, iki ölkə arasındakı əlaqələri daha da genişləndirmək üçün önəmli addımlar atacağıq. Hədəfimiz təkcə Azərbaycanla əlaqələrin gücləndirilməsi deyil, eləcə də Türk dünyasının bağlarının gücləndirilməsidir".
Poliqon.info
Digərxəbərlər
Populyar xəbərlər
