Mən NATO rəhbərliyi ilə Brüsseldəki görüşümdə ölkənin neytrallığının qorunması ilə bağlı razılaşmanın tanınmasını Alyansa təklif etmək niyyətindəyəm
Axar.az xəbər verir ki, bunu “RİA-Novosti” agentliyinə açıqlamasında Moldova Prezidenti İqor Dodon söyləyib. O, həmçinin NATO-nun Kişinyovda bürosunun açılması ilə bağlı müqaviləni də ləğv etmək niyyətində olduğunu bildirib.
Qeyd edək ki, İqor Dodon rusiyayönlü siyasətçidir. O, ölkəsinin Avropa Birliyi yox, Avrasiya İttifaqına inteqrasiya olunmasının tərəfdarıdır. Dodon bundan öncə dəfələrlə NATO-nun Kişinyov bürosunun açılmasını tənqid edib.
Moldova konstitusiyasına əsasən, ölkə neytral statusa malikdir.
Kişinyovla NATO-nun əlaqələri 1994-cü ildən başlayır.
pia.az