Moldova Dnestryanı ərazisinə nəzarət etmədən Avropa İttifaqına daxil olmağa hazırdır...
Poliqon xəbər verir ki, bunu Moldovanın xarici işlər naziri Niku Popesku bildirib.
Onun sözlərinə görə, Kişinyov avropalı tərəfdaşları ilə birlikdə Dnestryanı ilə bağlı vəziyyətin sülh yolu ilə nizamlanmasını istəyir:
“Əgər yaxın illərdə bunu edə bilməsək, heç kim Moldova Respublikasını bu vəziyyətin əsiri olaraq tutmayacaq”.
Onun sözlərinə görə, Moldova hakimiyyətinə siqnal gəlib ki, əgər tanınmamış ərazi ölkə ittifaqa daxil olana qədər reinteqrasiya oluna bilməzsə, Kişinyov onun nəzarət etdiyi ərazi ilə qəbul ediləcək. Dnestryanı ərazinin reinteqrasiyası ilə bağlı işlər daha sonra davam etdirilə bilər.
Bundan əvvəl Moldova baş nazirinin müavini Oleq Serebrian bildirmişdi ki, Kişinyov Avropaya inteqrasiya kursundan asılı olmayaraq, tanınmamış Dnestryanı ərazisinin ölkəyə qaytarılması prosesini davam etdirməkdə qərarlıdır.
Qeyd edək ki, Moldova ərazisi olan Dnestryanıda Rusiyanın nəzarəti altında separatçı rejim hökm sürür.
Poliqon.info
Digərxəbərlər
Populyar xəbərlər
