Məşhur aktyor yeni seriala çəkiləcək

PİA.az Türkiyə mətbuatına istinadən xəbər verir ki, “Disney Plus”ın “Qaçış” serialında rol alan məşhur aktyor Engin Akyüreyin yeni layihəsi bəlli olub. Yazıçı və musiqiçi Sina Koloğlu bildirib ki, “Qaçış”dan əvvəl Star-da “Sefirin Kızı” serialında oynayan Akyüreyin yeni serialı açıq kanalda yayımlanacaq.

Koloğlu Instagram hesabından verdiyi açıqlamada deyib:

“FOX-da tamaşaçılara təqdim olunacaq “Mənim adım Farah” serialında baş rolu Aslı Enver oynayacaqdı. Lakin Aslı Enver hamilə olduğunu öyrəndikdən sonra bu serialdan ayrılıb. Əvəzində isə seriala Demet Özdemir qatılıb. Digər baş rol isə Fırat Tanış olacaqdı. Lakin aldığım məlumata görə, Demet Özdemir baş rolu Engin Akyüreklə paylaşacaq. Soruşdum, ona təklif gəldiyini dedi. Yəni serialda iki ulduz bir araya gələcək. “Disney Plus” ikisi ilə də razılaşıb. Rəqəmsal platformanın seçdiyi aktyorların açıq kanalda yalnız Fox TV ilə iş görəcəyi açıqlanıb. Bir problem çıxmasa, ilk böyük layihə “Mənim adım Farah” olacaq. Yenə aldığım məlumata görə, 1-1,5 ay ərzində serialın çəkilişləri başlayacaq”.

pia.az