Rusiya Xarici İşlər Nazirliyinin mətbuat katibi Mariya Zaxarova Rusiya və KTMT-nin Ermənistana kömək etmədiyi barədə bəyanatların yalan olduğunu bildirib...
Poliqon xəbər verir ki, Rusiya XİN-nin sözçüsü bu barədə “Zvezda” telekanalında efirdə danışıb.
“Regionda vəziyyətin kəskinləşməsi zamanı Moskva və KTMT-nin Ermənistana kömək etmədiyi barədə bəyanatlar yalandır, İrəvan Qarabağla bağlı qərarları NATO-nun təsiri altında verib”, deyə Zaxarova bəyan edib.
Rusiya XİN-nin nümayəndəsi qeyd edib ki, belə bəyanatları rəsmi İrəvan Qərblə məsləhətləşmələrdən sonra verib.
“Bu fikirləri söyləyən və yayan hər kəsi yalan danışmaqda ittiham edirəm. Rəsmi İrəvan bu qərarı Qərblə məsləhətləşmələrdən sonra verib. Mən İrəvanın Qarabağla bağlı qəbul etdiyi qərarlara görə Rusiya və KTMT-nin günahkar olduğunu iddia edən və yayan hər kəsi yalan danışmaqda ittiham edirəm”, deyə Mariya Zaxarova vurğulayıb.
Zaxarovanın sözlərinə görə, Ermənistanla Azərbaycan arasında yeni gərginlik İrəvanın Aİ, ABŞ və Britaniyaya regionda və ölkədəki vəziyyətə dağıdıcı təsir göstərməyə nə dərəcədə imkan verməsindən asılıdır.
Poliqon.info