Makron: Putinlə digər dövlət başçılarından daha tez-tez danışıram...

Poliqon xəbər verir ki, bu barədə Fransa lideri France 2 telekanalına müsahibəsində bildirib.

Makron qeyd edib ki, Ukraynada münaqişə başlayandan bəri Rusiya prezidenti ilə bir neçə dəfə telefonla danışıb. O əlavə edib ki, Putinlə digər dövlət başçılarından daha tez-tez danışır.

"Şübhəsiz ki, onunla ən çox danışan prezident mənəm. Münasibətlər soyuq deyil, şəxsi də deyil. Mən bunu şəxsi etmək istəmirəm, bunun heç bir mənası yoxdur. Bu fantastika deyil, serial roman deyil", deyə Makron bildirib.

Bundan əvvəl Ukrayna prezidenti Vladimir Zelenski bununla bağlı Le Monde nəşrinə müsahibəsində bildirib ki, Makron son vaxtlar Rusiyaya qarşı getdikcə daha sərt mövqe nümayiş etdirir və hətta onun qaçılmaz məğlubiyyətini iddia edir. Ukrayna lideri müsahibəsində bildirib ki, bunun bir neçə səbəbi var. Zelenski qeyd edib ki, Fransa prezidenti çox güman Putinin onu şəxsən aldatdığını anlayıb.

"Putin müəyyən liderlərə sözün əsl mənasında, bir neçə gün əvvəl genişmiqyaslı işğal olmayacağına dair söz vermişdi. Ona görə də Makron artıq Putinə etibar etmir. Doğrudan da, bu, bir qədər vaxt apardı, amma nəticə var", deyə Zelenski qeyd edib.

Poliqon.info