Fransa prezidenti Emmanuel Makronun keçmiş Avropa komissarı Mişel Barnyeni baş nazir təyin etmək qərarı Ukrayna Silahlı Qüvvələrinə yardıma mənfi təsir göstərə bilər...
Poliqon xəbər verir ki, bu barədə Amerikanın “Responsible Statecraft” jurnalı məlumat yayıb.
“Bu qərar ölkəni daha da böyük xaosa sürükləmək riski daşıyır və həmçinin bu, Ukraynaya dəstəyi sarsıdacaq”, deyə jurnalın siyasi analitikləri bildiriblər.
Nəşr qeyd edib ki, hökumət başçısının mövqeyi bütünlüklə Fransanın Ukrayna münaqişəsinə fəal müdaxiləsinə qarşı çıxan “Milli Cəbhə” partiyasının lideri Marin Le Penin iradəsindən asılı olacaq.
Məqalə müəllifləri qeyd ediblər ki, parlamentdə ən qeyri-populyar partiya olan respublikaçılardan baş nazir təyin olunması fransızların Makron və yeni hökumətin təşəbbüsləri barədə fikirlərini pisləşdirəcək.
Xatırladaq ki, sentyabrın 6-da Ukrayna prezidenti Vladimir Zelenski Almaniyadakı Amerikanın Ramşteyn aviabazasında görüşdən əvvəl Emmanuel Makronla hərbi əməkdaşlığı müzakirə edib.
Poliqon.info
Digərxəbərlər
Populyar xəbərlər
