Küveytin vəliəhd şahzadəsi Şeyx Məşəl əl-Əhməd əs-Sabah Şeyx Əhməd Nəvaf əl-Əhməd əs-Sabahı yenidən hökumətin başçısı təyin edib və ona yeni nazirlər kabinetini formalaşdırmağı tapşırıb.
APA xəbər verir ki, bu barədə bazar günü Kuna xəbər agentliyi məlumat yayıb.
Vəliəhdin fərmanına əsasən, hökumət başçısı “dərhal” yeni nazirləri təyin etməli və Nazirlər Kabinetinin formalaşdırılması barədə Küveytin Milli Assambleyasına (parlamentinə) hesabat verməlidir.
Fərman Küveyt Əl Yavm hökumət qəzetində dərc edildikdən sonra qüvvəyə minəcək.
Qeyd edək ki, Əhməd Navaf əl-Əhməd əl-Sabah yanvarın 23-də istefa verib. Bir neçə gün sonra vəliəhd onun istefasını qəbul edib, lakin baş nazirə və hökumətə yeni kabinet formalaşana qədər öz vəzifələrini yerinə yetirməyi tapşırıb. “Əl Anba” qəzeti baş nazirin istefa qərarının parlamentlə münasibətlərdəki növbəti böhranla bağlı olduğunu yazıb. Bu dəfə buna səbəb hökumətin kredit hesabatları ilə bağlı fikir ayrılığı olub.
Poliqon.info