Jdanov hesab edir ki, Kremlə hücumu Rusiya müxalifəti təşkil edib...
“PUA-nın Kremlə hücumunun arxasında xaos yaratmaq, Rusiya prezidenti Vladimir Putinə ictimai etimadı sarsıtmaq və onu hakimiyyətdən uzaqlaşdırmaq istəyən Rusiya müxalifəti dayanır. Rusiya müxalifəti başa düşür ki, Qərbdən “üzr istəmək” üçün bu müharibənin təşkili və başlanmasına görə məsuliyyəti kiminsə üzərinə atmaq lazım gələcək”.
Poliqon xəbər verir ki, bunu hərbi ekspert Oleq Jdanov Ukraynanın “Fokus” nəşrinə açıqlamasında deyib.
Onun sözlərinə görə, Moskvada PUA-nın hücumuna görə 9 May Qələbə Günündə keçiriləcək parad ləğv oluna bilər. Buna görə də ruslar qərara gələ bilər ki, ölkədə hakimiyyət zəifdir, cəbhədə vəd edilmiş uğurlar yoxdur və paytaxtdakı Rusiya hava hücumundan müdafiə sistemləri pilotsuz təyyarələrin hücumlarından qorunmur.
Jdanovun fikrincə, Putinin yerini tutmaq istəyən siyasi qüvvələr indi öz məqsədlərinə nail ola bilərlər. Onun fikrincə, Rusiya Federasiyası Təhlükəsizlik Şurasının katibi Nikolay Patruşev belə addımlarla prezidentini legitimliyini götürə bilər. Bundan sonra onun hərbi cinayətlərə görə məsuliyyət daşıması və tarixdə əvvəllər edildiyi kimi, şərti olaraq “Rusiyanın xilası komitəsi”nin yaradılması qalır.
“Deyəsən, Rusiya indi 1905-1917-ci illər arasındadır və artıq 17-yə yaxındır. Cəbhədə tam uğursuzluq var, səfərbər olanlar həqiqətən döyüşmək istəmirlər", deyə ekspert əlavə edib.
Poliqon.info