Ən yüksək inkişaf etmiş iqtisadiyyatlardan birinə malik Sinqapurda bu ilin ikinci rübündə 41,2 faizlik iqtisadi azalma qeydə alınıb...
Ölkənin Ticarət və Sənaye Nazirliyinin yaydığı məlumata görə, birinci rübdəki 3,3 faizlik iqtisadi azalma ilə birlikdə bu göstərici texniki resessiyanın olmasından xəbər verir.
İllik müqayisədə dünyanın ən varlı ölkələrindən biri rekord həcmdə - 12,6 faiz iqtisadi kiçilməyə məruz qalıb. Bu, Sinqapurun müstəqillik əldə etdiyi 1965-ci ildən bəri ən kəskin azalmadır. Ölkədə rüblük ifadədə istehsal 23,1 faiz, tikinti həcmi 95,6 faiz, xidmət sektoru 37,7 faiz azalmaya məruz qalıb. Beləliklə, ilin yekununda Sinqapurda 4-7 faiz iqtisadi kiçilmə qeydə alına bilər.
Qeyd edək ki, Sinqapur koronavirus pandemiyasından zərərçəkən əhaliyə birbaşa yardım kimi 2,5 milyard dollar ayırıb. Ölkə iqtisadiyyatının dəstəklənməsinə isə ÜDM-in 20 faizi həcmində - 70,3 milyard dollar sərf olunub.(musavat.com)
pia.az
Digərxəbərlər
Populyar xəbərlər
