Rusiya prezidenti Vladimir Putinin Şimali Koreyaya səfəri zamanı Şimali Koreya lideri Kim Çen In ona Şimali Koreyanın nadir Pungsan cinsindən olan iki ov iti hədiyyə edib...
Poliqon xəbər verir ki, bu barədə Koreya Mərkəzi Xəbər Agentliyi məlumat yayıb.
“Yoldaş Kim Çen In fəxri qonaqlar üçün nəzərdə tutulmuş Kumsusan iqamətgahının bağçasında Prezident Putinə ölkəmizin milli it cinsi olan bir cüt Pungsan iti hədiyyə etdi”, deyə KCNA-nın bəyanatında deyilir.
Kim Çen In həmçinin Vladimir Putini KXDR-in ən yüksək dövlət mükafatı - Kim İr Sen ordeni ilə təltif edib. Mükafatlandırma mərasimi iyunun 19-da Pxenyanda baş tutub. Orden iki ölkə arasında münasibətlərin inkişafında xüsusi xidmətləri olan Rusiya prezidentinə sonsuz hörmət və etimad əlaməti olaraq təqdim edilib.
Qeyd edək ki, Vladimir Putin iyunun 18-19-da KXDR-də işgüzar səfərdə olub. Ümumilikdə, dövlət başçıları danışıqlara 11 saatdan çox vaxt sərf ediblər. Görüşün nəticəsi olaraq Rusiya ilə KXDR arasında hərtərəfli strateji tərəfdaşlıq haqqında saziş imzalanıb.
Daha sonra Vladimir Putin Vyetnama yollanıb.
Poliqon.info