Qəzza zolağında atəşkəs və Fələstin-İsrail münaqişəsinin iki dövlət əsasında həlli Fələstinin HƏMAS radikal hərəkatının mövcudluğu ilə bir araya sığmır...
Poliqon xəvbər verir ki, bunu Britaniyanın xarici işlər naziri Devid Kemeron “Corriere della Sera” qəzetinə müsahibəsində bildirib.
“Atəşkəs HƏMAS-ın davam etməsi ilə nəticələnəcək və bu, 7 oktyabr kimi hücumların təkrarlanması riskini davam etdirəcək. Ona görə də dərhal atəşkəs ola bilməz və HƏMAS var olduqca münaqişənin iki dövlətli həlli də ola bilməz. Bu, bir araya sığmır”, deyə Kemeron müsahibə zamanı deyib.
Kemeronun fikrincə, atəşkəs o zaman mümkündür ki, İsrailin təhlükəsizliyinə təhlükə aradan qalxsın. Britaniyanın xarici işlər naziri vurğulayıb ki, atəşkəs və iki dövlət prinsipi ancaq HƏMAS tamamilə məhv edildikdən sonra mümkündür.
“Əvvəlki status-kvoya qayıtmaq mümkün olmadığından iki dövlətli həll üzərində də görüləcək çox iş var”, deyə Kemeron qeyd edib.
Poliqon.info