İrəvanın keçmiş meri Hraçya Sarkisyan baş nazir Nikol Paşinyana “Nemesis” abidəsinin qoyulması planları barədə məlumat verməyib...
Poliqon xəbər verir ki, bu barədə keçmiş mer özü jurnalistlərə məlumat verib.
“Əlbəttə, abidənin qoyulmasından xəbərim var idi... İnanıram ki, bu, tarixi faktdır... Türkiyə bizi bu faktı dərsliklərimizdən çıxarmağa nə məcbur etməlidir? Bu, gülüncdür”, deyə Sarkisyan bildirib.
Qeyd edək ki, “Nemezis” əməliyyatı 1920-1922-ci illərdə Daşnaksütyun partiyasının həyata keçirdiyi terror aksiyasıdır. Aksiyanın məqsədi qondarma erməni soyqırımını və Bakıda 1918-ci ildə erməni əhalisinin “qətli”ni təşkil etmiş şəxslərdən qisas alınması idi. Qətlə yetirilən şəxslərin arasında həm Osmanlı imperiyasının, həm də Azərbaycan Demokratik Respublikasının keçmiş rəhbərləri var idi. Əməliyyatın adı, qədim yunan intiqam ilahəsi “Nemezida”nın adından götürülüb.
Aprelin 29-da Ankara Türkiyə hava məkanını Ermənistandan üçüncü ölkələrə uçuşlar üçün bağlayıb. Türkiyənin xarici işlər naziri Mövlud Çavuşoğlu hava məkanının bağlanmasını İrəvanda "Nemesis" əməliyyatının "qəhrəmanları"na abidənin açılması ilə izah edib
Daha sonra Ermənistanın baş naziri Nikol Paşinyan "Nemesis" abidəsinin qoyulması ilə bağlı danışarkən “səhv qərar” verildiyini bildirib.
Poliqon.info