Moldova hökumətinin keçmiş rəhbəri Vlad Filat ölkəsinin Avropa İttifaqı üçün problemə çevrildiyini bildirib...
Poliqon xəbər verir ki, keçmiş baş nazir bu barədə Moldova televiziyasına müsahibəsində danışıb.
Vlad Filatın sözlərinə görə, Moldovanın hazırkı Nazirlər Kabineti aşağı doğum səviyyəsini və əhalinin ən əmək qabiliyyətli hissəsinin xaricə axınını nəzərə alaraq, ölkənin Avropa İttifaqına üzvlüyü ilə bağlı heç bir təsəvvürə malik deyil. Ona görə də hazırda Moldova Avropa İttifaqı üçün problemdir.
Vlad Filat ölkə hakimiyyətinin Avrointeqrasiya prosesi başa çatdıqdan sonra nələrin baş verəcəyini dərk etmədiyi qənaətindədir.
Bundan əvvəl Moldovanın Brüsseldəki missiyasının rəhbəri Daniel Morari bildirmişdi ki, respublikanın Avropa İttifaqına daxil olması ilə bağlı danışıqlara başlamazdan əvvəl yerli qanunvericiliyin Avropa standartlarına uyğunluğunun yoxlanılması mərhələsi həyata keçirilməlidir.
Qeyd edək ki, dekabrın 14-də Avropa İttifaqı ölkələri Ukrayna və Moldovanın icmaya qəbulu ilə bağlı danışıqlara başlamaq qərarına gəliblər. Həmçinin Gürcüstana üzvlüyə namizəd statusu verilib.
Moldovanın hazırda əsas problemi Dnestryanıdır. Avropa İttifaqı bundan əvvəl bəyan edib ki, Modova Dnestryanının reinteqrasiyası başa çatmadan Alyansa üzv qəbul edilə bilər.
Poliqon.info