Jirinovskidən əcaib sözlər - Niyə mənimlə Putinin adı eyni olmalıdır? 

Rusiyanın radikal milliyətçi lideri, Liberal-Demokrat partiyasının sədri Vladimir Jirinovski prezident Vladimir Putinlə pis münasibətlərdə olduğunu deyib.

Sən demə buna səbəb onların adaş olması imiş.

Musavat.com xarici agentliklərə istinadən xəbər verir ki, bununla bağlı deputat “Komsomolskaya pravda” radiostansiyasında danışıb.

Radikal siyasətçi başqa bir adamın onunla eyni adı daşıması situasiyası ilə barışmadığını deyib.

“Mən hələ də digər şəxslərdə Vladimir adının olmasını anlaya bilmirəm, elə bilirəm ki, bu ad yalnız məndə ola bilər. Dövlət Dumasına baxıram. Orada Gennadi Züqanovlar, Sergey Mironovlar var. Lakin burada Vladimir, Vladimir-bu mənim üçün problemdir ”, - deyə o, söyləyib.

Bəzi ekspertlər bunu Jirnovskinin Putinə növbəti yaltaqlığı kimi qələmə verib.

pia.az