İsrailin Suriyaya hava zərbəsi nəticəsində 12 nəfər ölüb

Poliqon xəbər verir ki, bu barədə Suriya Müdafiə Nazirliyi məlumat yayıb. Nazirlik hava hücumu zamanı bir neçə nəfərin öldüyünü və maddi ziyan dəydiyini təsdiqləyib. Suriyada İnsan Haqlarının Monitorinqi Mərkəzinin (müxalifətə yaxın) məlumatına görə, hücum zamanı ən azı 12 iranpərəst döyüşçü öldürülüb.

Dubaydan yayımlanan “Al Hadath” telekanalının məlumatına görə, Hələbin şimalında yerləşən kiçik şəhərdə, Hayyanda mis əritmə zavoduna da hava zərbələri endirilib. Suriya mətbuatının məlumatına görə, Suriyanın hava hücumundan müdafiə sistemləri baraj atəşi açıb və bir neçə raketi vurub.

Suriya Müdafiə Nazirliyinin məlumatı departamentin Facebook səhifəsində yayılıb. Al-Arabiya telekanalının məlumatına görə, hücum Suriya ordusunun tərəfində vuruşan “Hizbullah” şiə milislərinin döyüşçülərinin düşərgəsinin yerləşdiyi ərazini hədəf alıb.

Poliqon.info