İsrail səfiri BMT-nin hesabatına cavab verdi: Onlar HƏMAS-a istinad edirlər..

Poliqon xəbər verir ki, bu barədə RBC məlumat yayıb.

Səfir BMT-nin Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarininin məlumatını şübhə altına alıb.

“Mən hesab edirəm ki, bu rəqəmlər sadəcə yanlışdır. Onların, bütün bu qurumların dəqiq məlumatları yoxdur. Onlar bu məlumatları HƏMAS-ın nəzarətində olan Səhiyyə Nazirliyindən alırlar”, deyə Ben Zvi vurğulayıb.

Onun sözlərinə görə, gələcəkdə Fələstin tərəfinin səsləndirdiyi bütün məlumatlar ayrıca yoxlanılmalıdır.

“Biz HƏMAS-ın nəzarət və liderlik nöqtələrinin harada olduğunu dəqiq bilirik və zərbələri oraya yönəldirik. Problem ondadır ki, HƏMAS mülki əhalidən canlı qalxan kimi istifadə edir”, deyə səfir əlavə edib.

Qeyd edək ki, BMT-nin hesabatına görə, Qəzza zolağında 8000-dən çox insan həlak olub, onların 2/3-si qadın və uşaqlardır. Təşkilat Qəzzada çalışan bir sıra humanitar missiyaların nümayəndələrinə istinad edir. Onlar da öz növbəsində Qəzzadakı Səhiyyə Nazirliyi və humanitar təşkilatların məlumatlarına istinad edirlər.

Xüsusilə, BMT-nin Yaxın Şərqdəki fələstinli qaçqınlara yardım və işlərin təşkili üzrə Agentliyinin (UNRWA) baş komissarı Filippo Lazzarini son üç həftənin dəhşətli olduğunu və indi demək olar ki, hər kəs İsraildə, işğal olunmuş Fələstin ərazilərində və bölgədə yas içində olduğunu bildirib.

Lazzarini əlavə edib ki, Save the Children təşkilatının məlumatına görə, Qəzza zolağında həlak olanların təxminən 70%-i uşaqlar və qadınlardır. Təşkilat oktyabrın 29-da bildirib ki, Qəzzada cəmi 3 həftə ərzində 3200-ə yaxın uşaq öldürülüb və bu da 2019-cu ildən bəri hər il dünyada münaqişə zonalarında ölən uşaqların sayından çoxdur.

Poliqon.info