İsrailin baş naziri Benyamin Netanyahu radikal HƏMAS qruplaşmasının yaraqlıları tərəfindən əsir götürülən şəxslərin qohumları ilə görüşündə Qəzzada girovların azad edilməsi ilə bağlı danışıqların aparıldığını açıqlayıb...
Poliqon xəbər verir ki, bu barədə The Jerusalem Post qızeti məlumat yayıb.
Netanyahunun sözlərinə görə, Misir və Qətər girovların qaytarılmasına şərait yaradır.
"Mən danışıqların statusu ilə bağlı təfərrüata girə bilmərəm, lakin biz onların hamısını evə qaytarmaq üçün çalışırıq. Məqsədimiz budur", deyə baş nazir bildirib.
Netanyahu həmçinin fələstinlilərin deradikalizasiyasını Qəzzada sülhün şərti adlandırıb. O, sülh üçün digər şərtlər kimi sektorun demilitarizasiyasını və HƏMAS-ın məhv edilməsini göstərib.
Qeyd edək ki, bundan əvvəl İsrailin baş naziri Benyamin Netanyahu isə Qəzza zolağında sülhün bərqərar olması üçün bütün Fələstin cəmiyyətinin "eradikallaşdırılmasını" şərt adlandırmışdı. Əvvəllər o, Qəzzanın demilitarizasiyasına beynəlxalq müdaxiləni rədd etmişdi.
Ötən günlərdə yayılan məlumatlara görə, Misir, Qətər, ABŞ, İsrail, Fələstin rəhbərliyi və HƏMAS-ın siyasi qanadı arasında müxtəlif formatlarda atəşkəs danışıqları aparıldığı barədə xəbərlər yayılsa da, hələlik heç bir rəsmi açıqlama yoxdur.
Poliqon.info