İsrail qaçqın düşərgəsinə iki ölümcül hücumun məsuliyyətini öz üzərinə götürüb

Poliqon xəbər verir ki. bu barədə The Hill nəşrinin məlumatında bildirilir. Nəşr yazır ki, İsrail hərbçiləri “Maqazi” qaçqın düşərgəsinə edilən iki ölümcül hücuma görə məsuliyyəti öz üzərinə götürüb. Hücumlar Milad ərəfəsində baş verib və onlarla fələstinli həlak olub.

The Hill qeyd edir ki, İDF Milad ərəfəsində hücumların qırıcı təyyarələr tərəfindən həyata keçirildiyini izah edib.

“Raketlər “nəzərdə tutulan hədəflərə bitişik” bir neçə binaya düşüb”, deyə İsrail ordusunun izahatında bildirilir.

İsrail hərbçiləri hədəfdən kənara dəyən zərərdən təəssüfləndiklərini və “hadisədən dərs almağa çalışdıqlarını” qeyd ediblər.

“İlkin araşdırmalar göstərir ki, hədəflərə yaxın olan digər binalar da zərbələr zamanı zədələnib və bu, ehtimal ki, daha çox ətrafdakı mülki şəxslərə qəsdən zərər vurub”, deyə The Hill İDF-nin bəyanatlarından sitat gətirir.

The Hill qeyd edir ki, İsrail ordusunun bu etirafı Qəzza zolağında İsrail və HƏMAS arasında gedən müharibədə fələstinlilərin ölüm sayının artması fonunda baş verib. Hazırda Qəzza zolağının 20 mindən çox sakini münaqişənin qurbanı olub. Anklavda genişmiqyaslı hücumu dayandırmaq üçün İsrailə beynəlxalq təzyiqlər artıb.

Xatırladaq ki, “Maqazi” qaçqın düşərgəsinə hücum dekabrın 25-də baş verib. HƏMAS-ın nəzarətində olan Qəzza Səhiyyə Nazirliyi hücumda ən azı 70 fələstinlinin həlak olduğunu bildirib.

Poliqon.info