İsrail Müdafiə Qüvvələri (IDF) Livandakı “Hizbullah” yaraqlılarının hədəflərinə zərbələr endirib...
Poliqon xəbər verir ki, bu barədə İsrail ordusunun məlumatında bildirilir. Vurulan hədəflər arasında Marvahina bölgəsindəki yaraqlıların hərbi birləşməsi, həmçinin Aita əl-Şab bölgəsindəki raket buraxılış qurğusu olub.
Livandakı hədəflərə hücumlar pilotsuz uçuş aparatları vasitəsilə həyata keçirilib. İDF iddia edir ki, yaraqlılar Aita əş-Şabda zədələnmiş raket qurğusundan İsrail ərazisini atəşə tutub.
Bundan əlavə, məlumatda İsrail hərbçiləri “helkopterin İsrailə doğru tank əleyhinə raketin atıldığı” əraziyə hücum etdiyini bildirilir. Söhbət ölkənin hansı bölgəsindən getdiyi göstərilmir.
Qeyd edək ki, yanvarın 7-də axşam saatlarında “The Times of Israel” qəzeti “Hizbullah”ın İsrail Hərbi Hava Qüvvələrinin Meron dağındakı bazasına zərbə endirməsi barədə məlumat yayıb. “Hizbullah” Livanla sərhəddən 8 km aralıda yerləşən bazaya 40-a yaxın raket zərbəsi endirib. Yaraqlılar bildiriblər ki, zərbə HƏMAS lideri Saleh əl-Arurinin keçən həftə Qəzza zolağında öldürülməsinə cavabdır.
Poliqon.info