İsrail BMT-nin humanitar koordinatorunun vizasını “BMT-nin qərəzliliyi” səbəbindən ləğv edib...
Poliqon xəbər verir ki, bu barədə İsrailin xarici işlər naziri Eli Koen X sosial çəbəkəsində yazıb.
“Biz BMT-nin qərəzli mövqeyi qarşısında daha səssiz qalmayacağıq”, deyə nazir vurğulayıb.
Koen bildirib ki, Yaxın Şərq sülh prosesi üzrə xüsusi koordinatorun müavini və BMT-nin işğal olunmuş Fələstin ərazisi üzrə rezident əlaqələndiricisi olan Linn Hastinqs HƏMAS-ın 7 oktyabr hərəkətlərini pisləməyib.
“Həması 1200 israillinin vəhşicəsinə qətliamına, körpələrin və qocaların oğurlanmasına, dəhşətli zorakılıq və zorlama aktlarına və Qəzzalıları canlı qalxan kimi istifadə etməsinə görə qınamayan, əksinə, İsraili, özünü müdafiə edən demokratik ölkəni pisləyir. Bu insanlar BMT-də xidmət edə bilməzlər və İsrailə girə bilməzlər”, deyə Koen bildirib.
BMT Baş katibinin sözçüsü Stefan Dujarrik bununla bağlı bildirib ki, Hastinqin vizası keçən həftə ləğv edilib. Bununla belə, Düjarrik BMT Baş katibinin Hastinqə “tam etimad göstərdiyini” deyib.
“Mən yalnız Baş katibin xanım Hastinqsə özünü aparma tərzinə və işini yerinə yetirməsinə tam etimadını təsdiq edə bilərəm”, deyə Düjarrik əlavə edib.
Poliqon.info