ABŞ-ın İraqın qərbindəki Ənbar əyalətindəki Ayn əl-Əsəd hərbi bazasına pilotsuz təyyarə növbəti dəfə hücum edib...
Poliqon xəbər verir ki, bu barədə “Al Mayadeen” telekanalı məlumat yayıb. Kanalın məlumatına görə, hücuma görə məsuliyyəti radikal HƏMAS hərəkatının İraq qolu öz üzərinə götürüb. PUA hədəfləri vurub, dəymiş ziyan və tələfatla bağlı hələlik məlumat verilməyib.
Qeyd edək ki, oktyabrın 22-də ərəb İraqın “İslami Müqaviməti” qruplaşmasına aid şiə yaraqlılar Ənbar əyalətindəki Ayn əl-Əsəd hərbi bazasına hücum edərək, bazaya bir neçə raket atıblar. Oktyabrın 19 və 20-də isə ABŞ-ın Ayn əl-Əsəddəki bazası pilotsuz təyyarələrlə hücuma məruz qalıb. Oktyabrın 20-də Ərbilin inzibati mərkəzinin yaxınlığında (Bağdaddan 425 km məsafədə) Hərir hərbi aerodromuna iki pilotsuz təyyarənin hücumu dəf edilib. İraqın hava hücumundan müdafiə sistemləri həmçinin Bağdad Beynəlxalq Hava Limanı yaxınlığında yerləşən Amerikanın “Kamp Victoria” bazası üzərində PUA-lardan birini vurmağa nail olub.
Poliqon.info
Digərxəbərlər
Populyar xəbərlər
