İrana investisiya qoyuluşunda Rusiya birinci yeri tutub

Poliqon xəbər verir ki, bu barədə Rusiyanın Tehrandakı səfiri Aleksey Dedov “RİA Novosti” Agentliyinə bildirib.

“Rusiyanın enerji şirkətləri İran bazarında uğurla fəaliyyət göstərir və Rusiya keçən il İrana xarici investisiyaların həcminə görə ötən il birinci yeri tutub. Bu, bizim münasibətlərimizin real səviyyəsinin sadəcə bir nümunəsidir”, deyə səfir bildirib.

Qeyd olunur ki, Rusiya İranda xarici investorlar arasında ilk dəfə deyil ki, birinci olub. Moskva 2022-ci ildə İrana investisiya həcminə görə də birinci yerdə qərarlaşıb.

Rusiya səfiri iki ölkə arasında iqtisadi əlaqələrin, xüsusən də Rusiya şirkətlərinin artıq özünü uğurla sübut etdiyi enerji sahəsində əlaqələrin daha da möhkəmlənəcəyinə ümid etdiyini bildirib.

Səfirin fikrincə, İranda həyata keçirilən birgə layihələr iki ölkənin maraqlarına cavab verməklə yanaşı, regionda sabitliyin və sülhün qorunmasına kömək edir. Eyni zamanda, Dedov enerji sahəsində praktiki əməkdaşlığın vacibliyini xüsusilə vurğulayıb.

Poliqon.info