Bu gün İranda prezident seçkilərində səsvermənin ikinci turu keçirilir. Vətəndaşlar iki namizəd arasından - səsvermənin birinci turunun lideri, islahatçı və etnik azərbaycanlı Məsud Pezeşkian və onun rəqibi, mühafizəkarlar qanadının nümayəndəsi Səid Cəlili arasından seçim edir...
Poliqon xəbər verir ki, İranın Ermənistandakı səfiri Mehdi Sobhani ölkə prezidenti postuna namizədlərdən birinin azərbaycanlı olması ilə bağlı sualı cavablandırıb. Səfir bildirib ki, İranın Ermənistana münasibətdə siyasəti hakimiyyət dəyişikliyindən sonra dəyişməz qalacaq.
"İranın Ermənistana qarşı siyasəti prinsipialdır və əməkdaşlıq və qarşılıqlı fəaliyyətin inkişafı və genişləndirilməsinə yönəlib. Bu siyasət hakimiyyət dəyişikliyi ilə dəyişməyəcək" deyən Sobhani bütün namizədlərin seçki kampaniyaları zamanı qonşu ölkələrlə münasibətləri inkişaf etdirmək üçün öz proqramlarını təqdim etdiklərini vurğulayıb.
Səfir bildirib ki, İranda çoxlu etnik qruplar yaşayır, lakin bu, ölkənin milli siyasətinə təsir etmir:
"İran Ermənistanın dostu olaraq qalır və yeni hökumət dövründə İrəvanla əlaqələri inkişaf etdirməyə davam edəcək".
Poliqon.info
Digərxəbərlər
Populyar xəbərlər
