Amerikalı sahibkar və iş adamı İlon Mask buildirib ki, ABŞ-da 11 sentyabr faciəsi miqyasında yeni terror aktı ölkəyə miqrant axını fonunda hər an baş verə bilər...
Poliqon xəbər verir ki, milyarder bu barədə X sosial şəbəkəsində (keçmiş Twitter) yazıb.
İlon Mask ABŞ-ın cənub sərhədindəki böhranın həll edilmədiyi təqdirdə 11 sentyabr hücumu səviyyəsində növbəti faciənin mümkün ola biləcəyini söyləyən amerikalı iş adamı və ABŞ-ın Respublikaçılar Partiyasından prezidentliyə keçmiş namizəd Vivek Ramasvaminin sözlərini şərh edərək, onunla razılaşıb.
"Bu, yalnız zaman məsələsidir", deyə İlon Mask bildirib.
Bundan əvvəl İlon Mask bildirib ki, ABŞ miqrant axını ilə üzləşən ABŞ-ın cənub sərhədindəki problemlərdən daha çox Ukrayna münaqişəsi ilə bağlı problemlərə diqqət yetirir.
Qeyd edək ki, "Əl-Qaidə" terror təşkilatı 2001-ci il sentyabr ayının 11-də ABŞ-ın Nyu-York və Vaşinqton şəhərlərindəki hədəflərə qarşı silsilə terror aktları həyata keçirib. Terrorçuların qaçırdıqları sərnişin təyyarələri Dünya Ticarət Mərkəzinin Şimal və Cənub qüllələrinə, Müdafiə Nazirliyi - Pentaqonun binasına çırpılıb, bir təyyarə isə Hava Hücumundan Müdafiə Qüvvələri tərəfindən vurularaq zərərsizləşdirilib. Onun hədəfinin Ağ Ev olduğu bildirildi. Bu hadisələr 3 minə yaxın sadə insanın ölümü, 6 mindən çox insanın yaralanması ilə nəticələnib.
Poliqon.info
Digərxəbərlər
Populyar xəbərlər
