Fələstinin HƏMAS hərəkatı Qəzza zolağında ABŞ-ın təklif etdiyi atəşkəs planına razılıq verdiyi barədə xəbərləri təkzib edib...
Poliqon xəbər verir ki, bu barədə hərəkatın rəsmi telegram kanalında məlumat yayılıb.
"Al Arabiya telekanalının HƏMAS-dakı yüksək rütbəli mənbəyə istinadən yaydığı hərəkatın Qəzza zolağında davamlı atəşkəsin tətbiqi, köçkünlərin mərhələli şəkildə geri qaytarılması və danışıqlar üçün Qahirəyə nümayəndə heyətinin göndərilməsi ilə bağlı beynəlxalq təklifin daxil olması barədə xəbər doğru deyil", deyə hərəkat öz "Telegram" kanalında bildirib.
Al Arabiya telekanalının verdiyi məlumata görə, onun yüksək vəzifəli mənbəsi HƏMAS-ın atəşi dayandırmağa və əsir götürülən bəzi girovları - uşaqları, qadınları və qocaları azad etməyə hazır olmasından danışıb. ABŞ-ın təklifinə fələstinlilərin tədricən Qəzza zolağına qayıtması da daxildir.
Qeyd edək kiƏ sonuncu danışıqlar martın əvvəlində Qahirədə baş tutub. Orada HƏMAS, Qətər və ABŞ nümayəndələri iştirak ediblər. İsrail sağ qalan girovların siyahısı olmadığı üçün nümayəndə heyəti göndərməkdən imtina edib.
Qəzza zolağında müharibə oktyabrın 7-də HƏMAS-ın İsrailə hücumu ilə başlayıb. Noyabrda tərəflər atəşkəs barədə razılığa gələrək onu bir neçə dəfə uzadıb, lakin dekabrın 1-də İsrail ordusu Qəzzada əməliyyatları bərpa edib.
Poliqon.info