Güney azərbaycanlı milli-mədəni fəal mühəndis Siyavuş Süleymanipur Urmiya şəhərindəki evində həbs edilib
PİA.az xəbər verir ki, azərbaycanlı fəalın İran İnqilab Keşikçiləri Qvardiyasının (SEPAH) hərbçiləri tərəfindən saxlanıldığı bildirilib.
Siyavuş Süleymanipurun naməlum istiqamətə aparıldığı, bu barədə xəbərin yeni yayıldığı qeyd edilib. Hələlik azərbaycanlı fəalın harada saxlandığı və hansı səbəbdən tutulduğu barədə heç bir məlumat yoxdur.
Məlumata görə, fəalın ailə üzvləri təhdid və təzyiqlərə məruz qalıb. Onlara bildirilib ki, Siyavuş Süleymanipurun saxlanması ilə bağlı mətbuat orqanları və insan haqları təşkilatlarına məlumat verilməməlidir.
Bundan əlavə, bir həftədən çoxdur ki, Süleymanipurun rəhbərlik etdiyi Azərbaycan Mədəniyyət Ocağı Dərnəyinin rəsmi mətbuat orqanı olan “Amonews” saytının fəaliyyətinə də icazə verilmir. (Teleqraf.com)
pia.az
Digərxəbərlər
Populyar xəbərlər
