Google-un promo videosu əvvəlki Pixel Fold sızıntılarının hamısını təsdiqləyib...
Poliqon xəbər verir ki, Google öz saytında və rəsmi Made by Google Twitter profilində qatlana bilən Pixel Fold smartfonunun video tizerini dərc edib.
Göndərilən klip cəmi səkkiz saniyədir. O, smartfonun arxasını, eləcə də onun genişləndirilmiş vəziyyətə keçmə prosesini göstərir.
Qeyd edilir ki, Google-un promo videosu əvvəlki Pixel Fold sızıntılarının hamısını təsdiqləyib. Videoda yalnız ağ Pixel Fold göstərilir. Bununla belə, qara cihazı göstərən renderlər daha əvvəl internetdə peyda olmuşdu. Bu versiyanın sonda satışa çıxarılıb-çıxmayacağı bilinmir.
Yeni Twitter paylaşımında şirkət həmçinin Google I/O konfransı çərçivəsində mayın 10-da tam Pixel Fold təqdimatının keçiriləcəyini təsdiqləyib. Eyni zamanda, gözlənildiyi kimi, İT nəhəngi Pixel 7a smartfonunu və şirkətin ilk planşetini Pixel Tab təqdim edəcək.
Poliqon.info