Şimali Atlantika Alyansı (NATO) yaxın onillikdə Rusiyanın daha da düşmənçiliyinə hazır olmalıdır...
Poliqon Estoniyanın İctimai Yayım Şirkəti ERR-ə istinadən xəbər verir ki, bunu Estoniya prezidenti Alar Karis Litva lideri Gitanas Nauseda ilə görüşündə deyib.
"Bu məqsədlə NATO-nun yaxşı kollektiv müdafiə planları var və bu planlar lazımi qüvvələr və silah sistemləri ilə doldurulmalıdır", deyə prezident vurğulayıb.
Karisin fikrincə, müttəfiqlər müdafiə xərclərinin ÜDM-in 2,5-3%-nə qədər artırılmasını müzakirə etməlidirlər, çünki mövcud 2% kifayət etməyə bilər. Alyansa üzv ölkələrin hava hücumundan müdafiəsinin gücləndirilməsinə də diqqət yetirmək lazımdır.
O, əlavə edib ki, NATO-nun Vaşinqtonda keçiriləcək sammitinin əsas mövzuları Ukraynaya tam, uzunmüddətli və effektiv dəstək, habelə Rusiyadan gələn təhlükə ilə üzləşməyə hazırlığın artırılması olacaq.
"Alyans aydın siqnal verməlidir ki, NATO lazım olduğu müddətdə Ukraynanı dəstəkləyəcək. Ukraynanın üzvlüyü müzakirə olunmur, proses dönməzdir", deyə Karis bildirib.
O qeyd edib ki, indiki halda sülh yalnız müvəqqəti xarakter daşıyacaq və Rusiya törətdiyi cinayətlərə görə cavab verməlidir. Prezident həmçinin bildirib ki, Estoniya Ukraynaya yardım üçün ÜDM-in ən azı 0,25%-ni ayırmağı planlaşdırır:
"Ukraynanın ərazi bütövlüyü və suverenliyinə hörmət edilməzsə, bu, gələcəkdə yeni və daha böyük müharibələrə gətirib çıxaracaq. Rusiya və digər təcavüzkarlar yalnız yeni hücumlar etməyə təşviq ediləcək. Ona görə də hazırda işləyən yeganə strategiya dəstək verməkdir. NATO Ukraynaya hərbi yardımla bağlı əvvəlki tərəddüdləri uğurla dəf edib. Əlavə yardım üçün heç bir məhdudiyyət olmamalıdır".
Poliqon.info
Digərxəbərlər
Populyar xəbərlər
