Türkiyə ilə yaxşı münasibətləri geosiyasi valyuta kimi istifadə edən Rusiyada Ərdoğanın Qərb liderləri ilə daha yaxın münasibətlərə keçə biləcəyi şoka düşüb...
Poliqon xəbər verir ki, bu barədə The Washington Post qəzeti məlumat yayıb.
Qəzet yazır ki, Putinin Türkiyə lideri ilə yaxın əlaqələri Rusiyaya Qərbin sanksiyalarını aşmaq imkanı verir. Digər tərəfsdən isə Kremlin təbliğat maşını Ərdoğanla yaxın əlaqələrinə görə Rusiya prezidentini güclü dostları olan dünya lideri kimi təqdim edir.
Lakin potensial olaraq daha narahatedici mesaj Ukraynanın Türkiyənin “T-155 Fırtına” özüyeriyən haubitsalarını alacağını gözləməsidir. WP qeyd edir ki, Ankara hələ ki, bu transferi təsdiqləməyib.
“Ancaq Türkiyə özüyeriyən artleriya silahlarını Ukraynaya təhvil verərsə, bu, Türkiyənin siyasətində dəyişikliklərin baş verdiyi anlamına gələcək”, deyə WP yazır.
Analitiklərin fikrincə, Ərdoğanın hesablamaları yüksək inflyasiya, lirənin ucuzlaşması və digər ölkələrə ixracın azalması ilə bağlı iqtisadi böhranın aradan qaldırılmasına əsaslanır. Amma Türkiyənin üzünü Qərbə çevirdiyini, şəraitə uyğunlaşmadığını söyləmək hələ tezdir.
Digər analitiklər Türkiyənin addımlarının taktiki ola biləcəyini düşünürlər. Moskva əmindir ki, Ərdoğanın Qərbin qlobal hökmranlığına qarşı çıxmaq istəyi həmişə Rusiya üçün kozır olacaq.
Poliqon.info