Əfqanıstanın Qəndəhar vilayətinin Spin Boldak rayonu “Taliban” radikal qruplaşmasının nəzarətinə keçdikdən sonra yüzdən çox vətəndaş naməlum şəxslər tərəfindən öldürülüb.
Bu barədə “Tolo News” xəbər verib.
Bildirilir ki, Əfqanıstan hökuməti dinc sakinlərin qətlində talibləri ittiham edir.
“Qəddar terrorçular Pəncabdakı (Pakistan) başçılarının əmri ilə Spin Boldakın bəzi bölgələrində günahsız əfqanların evlərinə hücum edib yüzlərlə günahsız insanı öldürüb”, - deyə DİN-dən məlumat verilib.
Ancaq “Taliban” mülki şəxslərin qətllərində iştirakını inkar edir.
Qeyd edək ki, Pakistanla sərhəddəki Spin Boldak bölgəsi bundan əvvəl də “Taliban” tərəfindən ələ keçirilmiş, daha sonra isə yenidən hökumət qüvvələrinin nəzarətinə keçmişdir. Pakistan-Əfqanıstan sərhədində yerləşən Spin-Boldak ticarət baxımından strateji bir mövqeyə sahibdir.
pia.az
Digərxəbərlər
Populyar xəbərlər
